Trapezaki > unuĉambra loĝejo

  

Eleftheria signifas "libereco" en la greka lingvo. Ili estas el la loĝejoj kun plej bona rilato kvalito/prezo en la Kefalonio insulo. Meze de verda naturo, en trankvila kaj familia etoso, vi ĝuos interalie larĝan vidon al la ionia maro.
La konstruaĵo entenas kvar unuĉambrajn apartamentojn (30 m²) kaj du unuĉambrajn apartamentojn (20 m²) por 2 personoj, unu duĉambran apartamenton (50 m²), ideala por 4-persona familio, kaj fine unu triĉambran apartamenton, ideala por 5-persona aŭ 6-persona familio.
La duĉambra apartamento entenas unu ĉambron kun du unupersonaj litoj kaj salonon kun ebleco tie kuŝigi unu aŭ du infanojn. En la kuirejeto estas eta fridujo kaj elektra primuso. La triĉambra apartamento entenas unu ĉambron kun du unupersonaj litoj, unu ĉambron kun unu dupersona litj kaj salonon kun ebleco tie kuŝigi unu aŭ du infanojn. En la kuirejo estas granda fridujo kaj forno.
La unuĉambraj apartamentoj estas ekipitaj same kiel la duĉambra apartamento, kaj taŭgas por du plenkreskuloj. Ĉiuj loĝejoj havas nun klimatizadon.
Je la unua kaj dua etaĝo, bone videblas la maro el ĉiuj balkonoj. Vi trovos ankaŭ porteblan kradrostilon kaj laŭbon kiu vin agrable freŝigos somere en la plurolivarba ĝardeno. Se vi intencas resti sufiĉe longe (du semajnoj aŭ pli), vi rajtos uzi la lavmaŝinon (bv. alporti lesivon).
La plaĝo de Trapezaki troviĝas ĉirkaŭ 15-20 minutojn for piede. Je malpli ol 5 minutoj for, vi trovos minimerkaton kaj du tavernojn.
Eleftheria kaj ŝia edzo Nikos, kiu antaŭe laboris kiel radio-komunikisto en greka martransporto, estas ankaŭ kultivistoj kaj plezure ofertos al vi kelkajn fruktojn kaj legomojn el ilia ĝardeno.

Bonvolu noti: kvankam samnomaj, la apartamentoj Eleftheria (Vlaĥata) neniel rilatas al la ĉi-supra gastejo.